នៅពេលយើងក្លាយជាមនុស្សដែលមានការទទួលខុសត្រូវ នេះគឺជាវ័យថ្មីមួយដែលត្រូវមានសតិសម្បជ្ជញ្ញៈក្នុងការប្រព្រឹត្តិ ដើម្បីដឹកនាំជីវិតខ្លួនឯងឲ្យបានល្អ មិនមែនធ្វើអ្វីៗតាមតែការនឹកឃើញ ឬ ធ្វើតាមតែអារម្មណ៍ខ្លួនឯងនោះទេ ត្រូវចេះគិតដល់អារម្មណ៍គេឯងខ្លះផង ដើម្បីជៀសវាងការប៉ះទង្គិចដល់អារម្មណ៍អ្នកដទៃ ។ នេះគឺជាមេរៀនមួយ ដែលព្រះពុទ្ធបានដឹកនាំឲ្យមានការសិក្សារៀនសូត្រយ៉ាងម៉ត់ចត់បំផុត មេរៀននេះហៅថា << មហាសតិប្បដ្ឋានសូត្រ >> មេរៀននេះគឺជាសិល្បៈដើម្បីរៀនរស់ឲ្យចុះសំរុងក្នុងជីវិតផង ឲ្យកើតសាមគ្គីភាពផង ដើម្បីកាត់បន្ថយកំហុសផង ព្រោះជីវិតមិនមែនជាល្បែងនោះទេ ។