តើភាពឆេវឆាវរបស់មនុស្សបណ្តាលមកពីអ្វី ហើយតើគេអាចជួយអប់រំឬព្យាបាលដូចម្តេច ?។
បាទសាធុៗ ភាពឆេវឆាវមានពីកំណើតក៏មានគឺមានវិបត្តិចរិតពីកំណើត(ខួរក្បាលផលិតជាតិគីមីខុសប្រក្រតី) និង កើតមានដោយកត្តាផ្សេងៗពេលធំហើយក៏មាន ដោយសំពាធការងារ តានតឹងចិត្តដោយមានវិបត្តិមិនចុះសម្រុងក្នុងគ្រួសារ ការប្រើគ្រឿងញៀនស្រវឹងជាដើម។ ផ្នែកវិទ្យាសាស្ត្របើការផ្តល់ប្រឹក្សាមិនបានធូរស្បើយគេប្រើថ្នាំជួយ ផ្នែកសាសនាគេអប់រំចិត្ត ដូចជាពុទ្ធសាសនាព្រះពុទ្ធដឹកនាំឲ្យរក្សាសីល ធ្វើសមាធិ វិបស្សនាដើម្បីផ្លាស់ប្តូរទម្លាប់ ហៅថា ទោសៈចរិតដែលត្រូវចម្រើនខន្តី ផ្សាយមេត្តាចិត្ត និងចម្រើនវណ្ណៈកសិណជាដើម ។