មិត្តពិត លះបង់ជួយប្រាកដ ! មិត្តតែមាត់ លះបានតែសម្តី ...

លើលោកនេះ គ្មាននរណាដែលមិនមានមិត្តនោះទេ គ្រាន់តែថា ជាមិត្តល្អពិតដែរឬយ៉ាង÷ សូមមិត្តអ្នកស្រលាញ់អំណាន អានជាមួយខ្ញុំដូចតទៅ៖  -(គតិលោក) រសៀលមួយ មានពពែ?មួយក្បាលកំពុងរត់លេងលើជំរាលភ្នំ ស្រាប់តែមានឆ្កែចចកមួយក្បាលលោតចេញពីដើមឈើបម្រុងស៊ីពពែ?។ – ពពែ?ខំរត់ផង យកស្នែងតតាំងផង ស្រែកខ្លាំងផងដើម្បីឲ្យមិត្តភក្រ័មកជួយ… – គោ? ក្រឡែកទៅឃើញចចកក៏ រត់បាត់ទៅ – សេះ? ឱនមើលឃើញចចកក៏ ដាក់មេផាយបាត់ទៅ – សត្វលា បានឈប់បន្តិច ដឹងថាមានចចក ក៏លួចចុះពីភ្នំស្ងាត់ៗបាត់ទៅ – ជ្រូក? ដើរកាត់ គ្រាន់តែឃើញចចក បោលចុះពីភ្នំបាត់ទៅ – ទន្សាយ? គ្រាន់តែស្តាប់ឮថាចចក រត់លឿនដូចជាព្រួញបាត់ស្រមោលឈឹងទៅ – ឆ្កែ? នៅឯជើងភ្នំ គ្រាន់តែឮសំឡេងពពែស្រែកសុំជំនួយភ្លាម ក៏ប្រញាប់រត់ឡើងភ្នំទៅជួយមិត្តដោយមិនគិតពីគ្រោះថ្នាក់អ្វីទាំងអស់ លោតទៅខាំបំពុង ក ចចក ចចកឈឺក៏ស្រែកយ៉ាងខ្លាំង ឆ្លៀតពេលឆ្កែកំពុងដង្ហក់ ក៏រត់គេចខ្លួនទាំងភ័យខ្លាចបាត់ទៅ។ – ពពែ?ត្រឡប់ដល់ផ្ទះវិញ មិត្តភ័ក្រទាំងអស់បានមកសួរសុខទុក្ខ – គោ?និយាយថា៖ ម៉េចមិនប្រាប់ខ្ញុំ ស្នែងរបស់ខ្ញុំអាចចាក់ពោះវាឲ្យធ្លាយចេញពោះវៀនមកក្រៅបានណា! – សេះថា?៖ ម៉េចមិនប្រាប់ខ្ញុំ ជើងខ្ញុំអាចធាក់វាឲ្យធ្លាយខួរបានណា! – សត្វលាថា៖ ម៉េចមិនប្រាប់ខ្ញុំ សំឡេងខ្ញុំអាចធ្វើឲ្យវាភ័យបែកប្រមាថបានណា! – ជ្រូកថា?៖ ម៉េចមិនប្រាប់ខ្ញុំ ខ្ញុំនឹងឈ្មុសវាឲ្យរមាលធ្លាក់ពីលើភ្នំបានណា! – ទន្សាយថា?៖ ម៉េចមិនប្រាប់ខ្ញុំ ខ្ញុំរត់បានលឿនអាចទៅផ្តល់ដំណឹងឲ្យបងប្អូនយើងដឹងបានណា! ពួកគេនាំគ្នាស្រែក ធ្វើជាឆោឡោម្តងម្នាក់ៗ មានតែសត្វឆ្កែទេដែលនៅស្ងៀមមិនចេញស្តី។ _(គតិធម៌) មិត្តភាពពិតប្រាកដមិនត្រូវការសម្តីពិរោះពិសារនោះទេ ប៉ុន្តែនៅពេលដែលចាំបាច់ គឺជាអ្នកហុចដៃចាំជួយទាញអ្នកនោះហើយ ។ ហើយអ្នកដែលធ្វើឲ្យយើងសប្បាយចិត្តរាល់ថ្ងៃខ្លះ ក៏មិនប្រាកដថាគេជាមិត្តពិតប្រាកដរបស់អ្នកឡើយ។ សម្រង់អត្ថបទនិទានចេញពី page_ពុទ្ធិ_ -គំនិត- ដោយយល់ថាជាផ្នែកអប់រំមួយដែរ សម្រាប់ក្តីរំពឹងរបស់សតិញាណ ដើម្បីឃុំគ្រងដំណើរលើវិថីជីវិត ដ៏សែនវែង ដាក់ចិត្តដាក់ប្រាណ សាងប្រយោជន៍រួមជាមួយមិត្តដោយគាប់ប្រសើរ។ ជនណាមិនលះបង់គ្នាចោល ក្នុងកាលមិត្តមានក្តីអន្តរាយ ក្តីវិនាស ទុរភិក្ស ក្នុងកាលរាស្ត្របះបោរ ក្នុងទ្វារព្រះរាជា និងក្នុងព្រៃស្មសាន ជននោះលោកចាត់ថាជាផៅពង្ស ។ មានមិត្តពិតម្នាក់ប្រៀបដូចជាមានទេវតានៅជាមួយអ្នកដូច្នោះដែរ៕ 《<<<<<<<<<■>>>>>>>>》 ប្រមូលរៀបរៀង និងកែសម្រួល =រ៉ាសា