ការពិតប្រាំយ៉ាង ដែលមនុស្សស្រីចូលចិត្តមើលប្រលោមលោក

OCTOBER 19, 2018 ១. ភាគច្រើនគឺនៅ Single មូលហេតុដែលនៅលីវយូរ គឺដោយសារ មិនងាយ​ជួប​មនុស្ស​ប្រុសដែលត្រូវចិត្ត។ មូលហេតុដែលមិន​ជួប​មនុស្ស​ប្រុសដែលត្រូវចិត្តគឺមកពី មនុស្សប្រុសទាំងនោះ មិន​បាន​មួយចំណិតនៃតួប្រុសក្នុងប្រលោមលោក។ ២. ឃើញតូបលក់សៀវភៅរឿង ដូចជាឋានសួគ៌ មនុស្សស្រីខ្លះចូលចិត្តគ្រឿងតុបតែងខ្លួន ចូលចិត្តទិញខោអាវ ប៉ុន្តែសម្រាប់មនុស្សស្រីដែលចូលចិត្តអានប្រលោមលោកគឺ​ស្រឡាញ់​តូប​លក់​សៀវភៅ​ណាស់។ ប៉ុន្តែ​រឿង​ចម្លែក​នោះ​គឺ​ថា នាង​មិន​សូវ​ចង់​បាន​កាដូ​ជា​សៀវភៅ​រឿង​ពី​មិត្តភ័ក្ដិ​នោះ​ទេ បើ​ឲ្យ​ជា​លុយ​ប្រហែល​សប្បាយ​ចិត្ត​ជាង​ ព្រោះ​នាង​អាច​ទៅ​ទិញ​សៀវភៅ​រឿង​ដែល​ត្រូវ​ចិត្ត​នាង​បាន។ ៣. អាន​សៀវភៅ​មេរៀន​ងងុយ​ដេក តែ​អាន​សៀវភៅ​រឿង​ដាច់​យប់​ក៏បាន ដឹង​ហើយថា ការអានសៀវភៅរឿង គឺមិនខុសពីថ្នាំញៀនប៉ុន្មានទេ គឺអាចអានដាច់យប់បាន ដោយមិនខ្លាចរូងភ្នែក។ គឺបែប​ថា បើ​ទុក​ដល់​ស្អែក ក្រែងលោឈុតឆាក​ដែល​នាង​ចង់ដឹងហ្នឹង អាច​នឹង​ផ្លាស់ប្ដូរ។ ៤. ស្រមៃជានិច្ចថា ថ្ងៃណាមួយ​តួប្រុសក្នុងប្រលោមលោកគឺមានពិត នេះគឺជារឿងដែល​មិន​អាច​ឃាត់​បាន ដែល​ភាគ​ច្រើន​នៃ​មនុស្ស​ស្រី​ដែល​ចូល​ចិត្ត​អាន​ប្រលោម​លោក​តែង​មាន​អារម្មណ៍​រវើរវាយ ហើយ​សង្ឃឹម​ថា​ថ្ងៃ​ណាមួយ តួ​ប្រុស​ក្នុង​ប្រលោម​លោក​នឹង​លេច​ចេញ​មក​ខាង​ក្រៅ​សៀវភៅ ហើយ​គេ​អាច​ជា​គូ​ព្រេង​របស់​នាង​ទៀត​ផង​ក៏​ថា​បាន។ នេះ​ក៏​ជា​ហេតុផល​មួយ ដែល​ភាគ​ច្រើន ពួក​នាង​គឺនៅ​លីវ។ ៥. ស្រឡាញ់​តួ​ប្រុស​ក្នុង​ប្រលោម​លោក តែ​មិន​ចង់​ឲ្យបែក​គ្នា​ជាមួយ​តួស្រី មនុស្ស​ស្រី​ដែល​ចូល​ចិត្ត​អាន​ប្រលោម​លោក​គឺ​ស្រឡាញ់​តួ​ប្រុស​ក្នុង​ប្រលោមលោក​ណាស់ លង់​ស្នេហ៍​ដក​ខ្លួន​មិន​រួច​តែ​ម្ដង។ ប៉ុន្តែ​នាង​ជា​មនុស្ស​ចិត្ត​ទន់ ហើយ​ចិត្ត​ធម៌​បំផុត​ដោយ​មិន​ដែល​សូម្បី​តែ​មាន​កូន​ចិត្ត​ឲ្យ​តួ​ប្រុស​តួ​ស្រី​ក្នុង​រឿង​បែក​គ្នា។ បើ​ហ៊ាន​តែ​អាន​ទៅ​ឃើញ​ថា តួ​ប្រុស​តួ​ស្រី​បែក​គ្នា បែរ​ជា​មាន​ចិត្ត​សាហាវ​ចង់​ដុត​ផ្ទះ​អ្នក​និពន្ធ​​ទៅ​វិញ។  មែនអត់ចៃ​ប្រលោមលោក? ប្រភព: http://www.ireadpublisher.com/%e1%9e%80%e1%9e%b6%e1%9e%9a%e1%9e%96%e1%9e%b7%e1%9e%8f-%e1%9f%a5-%e1%9e%99%e1%9f%89%e1%9e%b6%e1%9e%84%e1%9e%9a%e1%9e%94%e1%9e%9f%e1%9f%8b%e1%9e%98%e1%9e%93%e1%9e%bb%e1%9e%9f%e1%9f%92%e1%9e%9f%e1%9e%9f/