-សួស្ដីមិត្តទាំងអស់ថ្ងៃនេះខ្ញុំមានមុខម្ហូបមួយមុខដែលមានរស់ជាតិឆ្ងាញ់ចង់ប្រាប់មិត្តណាដែលចង់ចេះចម្អិនម្ហូប។ របៀបធ្វើ ខមាំុ គ្រឿងផ្សំ - សាច់ជ្រូក3ជាន់ ហាន់ស្ដើងៗល្មម - សាច់ជ្រូកចិញ្ច្រាំ ( សាច់សុទ្ធ ) - ត្រីពោ រឺ ត្រីប្រា ( តាមការចូលចិត្ត ) កាត់ជាដុំៗល្មម - មាំុ - ត្រប់វែង - ស្ករស ម្សៅស៊ុប អំបិល និង ទឹកអំពិលទុំ - ខ្ទឹមសចិញ្ច្រាំ - ស្លឹកជីនាងវង - បន្លែរួមមាន : ព្រលិត ត្រសក់ ផ្កាស្នោ ស្ពៃក្ដោប ជីគ្រប់មុខ និងមានបន្លែច្រើនមុខទៀតតាមចំនូលចិត្ត ។ វិធីធ្វើ - យកសាច់ជ្រូក3ជាន់មករំលីងអោយអស់ខ្លាញ់បន្តិច រួចដួសចេញ - យកសាច់ត្រី មកឆា អោយរៀងឆ្អិនបន្តិច ( ពេលឆាកុំត្រលប់ឆាខ្លាំងពេក ដើម្បីកុំអោយបែកសាច់ត្រី ) - យកមាំុមកឆាអោយឡើងឈ្ងុយ រួចដួសដេញ - ដាក់ទឹកចូលក្នុងឆ្នាំងតិចល្មម ដាំអោយពុះ រួចដាក់មាំុចូល កូរអោយរលាយចូលគ្នាអស់ ហើយដាក់ សាច់ជ្រូក3ជាន់ ស្ករស ម្សៅស៊ុប អំបិល ហើយរំងាស់អោយផុយសាច់បន្តិច - បន្ទាប់មកដាក់ ត្រី សាច់ជ្រូកចិញ្ច្រាំ និង ត្រប់ រួចទុកអោយពុះ ភ្លក់មើលអោយល្មមតាមការនិយមចូលចិត្ត រំងាស់ឆ្អិនហើយ ទើបដាក់ទឹកអំពិលទុំចូល ភ្លក់មើលម្ដងទៀត បើត្រូវម៉ាត់ហើយ ដាក់ខ្ទឹមសបំពង និង ស្លឹកជីនាងវងចូល រួចជាការស្រេច