ចំនួនភ្ញៀវទេសចរនៅអង្គរកើនឡើង បើទោះជាមានភាពតានតឹងតាមព្រំដែន

ចំនួន​ភ្ញៀវ​ទេសចរ​នៅ​អង្គរ​កើន​ឡើង បើ​ទោះ​ជា​មាន​ភាព​តានតឹង​តាម​ព្រំដែន

អាជ្ញាធរជាតិអប្សរា (ANA) បានរាយការណ៍ពីការកើនឡើងនៃចំនួនភ្ញៀវជាតិ និងអន្តរជាតិមកទស្សនាឧទ្យានអង្គរ បើទោះបីជាភាពតានតឹងនៅតាមព្រំដែនរវាងកម្ពុជា និងថៃកំពុងបន្តកើនឡើងក៏ដោយ។

ថ្លែងកាលពីថ្ងៃទី១៩ ខែសីហា អគ្គនាយករង ANA និងជាអ្នកនាំពាក្យ ANA លោក ឡុង កុសល បានលើកឡើងពីនិន្នាការលើកទឹកចិត្ត ដោយកត់សម្គាល់ថា ឧទ្យានបុរាណវត្ថុអង្គរ ដែលស្ថិតនៅក្នុងខេត្តសៀមរាប មានភូមិសាស្ត្រឆ្ងាយពីតំបន់ព្រំដែនដែលរងផលប៉ះពាល់។

លោកបានបន្ថែមថា ភ្ញៀវទេសចរណ៍បានដឹងអំពីស្ថានភាពនៅតាមព្រំដែន ប៉ុន្តែពួកគេនៅតែមានទំនុកចិត្តលើវិធានការសន្តិសុខ និងសុវត្ថិភាពរបស់កម្ពុជា។

លោកបានបញ្ជាក់សារជាថ្មីនូវការប្តេជ្ញាចិត្តឥតងាករេរបស់រាជរដ្ឋាភិបាលក្នុងការធានាសុវត្ថិភាពភ្ញៀវទេសចរទាំងអស់ ក៏ដូចជាការអនុវត្តពេញលេញនៃកិច្ចព្រមព្រៀងឈប់បាញ់។

កិច្ចខិតខំប្រឹងប្រែងនឹងស្តារសន្តិភាពតាមបណ្តោយព្រំដែននាពេលខាងមុខ។ AKP