ការផ្ទេរកាក់ឲ្យគ្នា SEREY Transfer

 តើបងប្អូនមានដឹងទេថា បងប្អូនអាចផ្ទេរកាក់សេរីឲ្យគ្នាបាន បញ្ជាក់ការផ្ទេរកាក់នេះ គឺជាការផ្ទេរកាក់សេរី SRY ប្រសិនបើបងប្អូនមានសេរីថាមពល SEREY Power លុះត្រាតែបងប្អូនធ្វើការប្តូរកាក់ឬ Power Downជាមុនសិន ទើបអាចផ្ទេរកាក់បាន។ ## របៀបនៃការផ្ទេរកាក់សេរី ចុចលើរូប Profile រួចជ្រើសរើសពាក្យ Wallet (កាបូបលុយ)  ចុចលើព្រួញដែលនៅក្បែរចំនួនកាក់សេរី ហើយជ្រើសរើសពាក្យថា Transfer (បញ្ជូនលុយ)  បញ្ចូលឈ្មោះមនុស្សដែលយើងចង់បញ្ជូនកាក់សេរីទៅឲ្យ បញ្ចូលចំនួនកាក់ដែលចង់ផ្ញើ អាចសរសេរពាក្យមួយចំនួននៅប្រអប់Memo រួចធ្វើការចុច Submit (បញ្ជូន)  ដើម្បីផ្ញើរលុយបានលុះត្រាតែយើងចូលក្នុងគណនីដោយប្រើ Active ឬ Owner Key  មុខងារនៃការបញ្ជូនមួយនេះ គឺអាចឲ្យបងប្អូនធ្វើការផ្ទេរលុយឲ្យគ្នាទៅវិញទៅមកបានហើយ ពេលខ្លះបងប្អូនចង់ឲ្យនរណាគេម្នាក់មានកាក់សេរីច្រើនជាងមុន ដែលធ្វើឲ្យគាត់មានថាមពល Upvote បានខ្លាំងជាងមុន បងប្អូនអាចប្រើមុខងារមួយនេះបាន។ មួយវិញទៀត បងប្អូនចង់ធ្វើការផ្លាស់ប្តូរទំនិញឬសេវាកម្មណាមួយឲ្យគ្នាទៅវិញទៅមក ដោយប្រើប្រាស់កាក់សេរី គឺបងប្អូនអាចប្រើមុខងារមួយនេះបានដូចគ្នា។ អនាគតនៅពេលដែលមានកម្មវិធីកាបូបលុយទូរស័ព្ទ ពេលនោះគឺយើងអាចប្រើប្រាស់ទូរស័ព្ទដៃដើម្បីផ្ញើកាក់សេរីឲ្យគ្នាទៅវិញទៅមក ដូចជាមុខងារមួយនេះដែរ។ គឺយើងអាចប្រើប្រាស់វាសម្រាប់ទូទាត់ថ្លៃទំនិញឬសេវាកម្មជាដើម។ រៀបរៀងដោយ @Cryptopreneur