https://b05badc7-a-62cb3a1a-s-sites.googlegroups.com/site/sokkimheng/money.png តើអ្នកមានដឹងទេថា នៅពេលដែលអ្នក បង្ហោះអ្វីមួយអ្នកនឹងទទួលបានប្រាក់រង្វាន់ពីបណ្តាញសង្គមសេរី។ សូមអានអត្ថបទ [ធ្វើយ៉ាងណាដើម្បីទទួលបានកាក់សេរី](https://serey.io/serey/@cryptopreneur/how-to-get-serey-coin) ។ ក្រោយពីធ្វើការបង្ហោះអត្ថបទរួច អ្នកច្បាស់ជាត្រេកអរឃើញអត្ថបទរបស់អ្នកទទួលបានការគាំទ្រច្រើន តែប៉ុន្មានថ្ងៃក្រោយមក អ្នកស្រាប់តែឃើញរង្វាន់កាក់សេរីថយចុះជារៀងរាល់ថ្ងៃ តើមូលហេតុអ្វីទៅ? អ្នកអាចអានអត្ថបទនេះ [ហេតុអ្វីរង្វាន់ធ្លាក់ចុះជាប្រចាំ](https://serey.io/serey/@cryptopreneur/why-serey-reward-decrease-over-time)។ ចំនុចមួយទៀតដែល សមាជិកក្នុងបណ្តាញសង្គមសេរីត្រូវចាំនោះគឺថា សេរីមិនមែនជាកន្លែងដែលអាចឲ្យអ្នកធ្វើជាអ្នកមានឆាប់នោះទេ ហើយក៏មិនមែនជាកន្លែងដែលអ្នកបង្ហោះអត្ថបទក៏ព្រោះតែចង់បានកាក់សេរីផងដែរ ប្រសិនបើអ្នកត្រូវបានអួសទាញដោយហេតុផលមួយនេះ ឬ ភាន់ច្រឡំ អ្នកអាចគិតឡើងវិញម្តងទៀត តើអ្នកចែករំលែកអ្វីមួយ ព្រោះតែចង់បានលុយត្រឡប់ទៅវិញឬយ៉ាងណា? ដំបូងឡើយ អ្នកប្រហែលជាគិតបែបនេះ ដោយសារតែលុយទើបអ្នកចូលមកទីនេះ ដោយសារតែលុយទើបអ្នកខំប្រឹងបង្ហោះនេះ បង្ហោះនោះ បើទោះបីជាពេលខ្លះ អ្នកមិនដឹងថាខ្លួនឯងកំពុងតែបង្ហោះអ្វី ហើយដើម្បីអ្វី។ ខ្ញុំសូមប្រាប់អ្នកថា អត្ថបទរបស់អ្នក៧ថ្ងៃក្រោយពីទទួលបានរង្វាន់ហើយ អត្ថបទនោះនឹងមិនអាចបង្កើតលុយឲ្យអ្នកបន្តទៀតទេ ពីព្រោះប្រាក់រង្វាន់ផ្តល់ជូនអត្ថបទតែម្តងគត់ ហើយ៧ថ្ងៃក្រោយពីការបង្ហោះអត្ថបទអ្នកនឹងទទួលបានប្រាក់រង្វាន់នោះ។ សំនួរសួរថាហេតុអ្វី បានជាអត្ថបទរបស់អ្នកមិនទទួលបានរង្វាន់ជាដរាប ដែលគេតែងតែហៅថា Passive Income ឬ ដេកៗបានលុយពីអត្ថបទដែលអ្នកខំតាក់តែងនិពន្ធ? នោះក៏ព្រោះតែកាក់សេរីដែលត្រូវបែងចែកឲ្យ អ្នកបង្កើត អ្នកនិពន្ធមានចំនួនកំណត់ ប្រសិនបើអត្ថបទរបស់អ្នកល្អ ល្បី ទទួលបានរង្វាន់ពីសេរីជាប្រចាំ ជាដរាប នោះមានន័យថា អ្នកនិពន្ធដទៃទៀត នឹងមិនទទួលបានរង្វាន់ច្រើនឡើយ។ យើងអាចប្រៀបធៀបសាមញ្ញបានថា សហគមន៍សេរីមានទឹកតែមួយពាង ប្រសិនបើអ្នកទទួលបានទឹកកាន់តែច្រើន អ្នកដទៃច្បាស់ជាមិនទទួលបានទឹកពីពាងនោះឡើយ។ យើងរស់នៅក្នុងសហគមន៍ជាមួយគ្នា ខ្ញុំជឿជាក់ថា អ្នកនឹងមិនចង់បានពាងទឹកនោះតែម្នាក់ឯងទេមែនទេ? ហើយអ្នកក៏មិនចង់ឲ្យមានពាងទឹកក្លាយជាស៊ូណាមីដែលធ្វើឲ្យលិចស្លាប់ទាំងអស់គ្នា ដោយសារតែការបង្កើតកាក់សេរីលើសលុបហួសប្រមាណ ដែលនឹងបង្កើតឲ្យមានអតិផរណាផងដែរ។ សរុបយ៉ាងខ្លី សូមកុំមើលលុយជាធំ សូមកុំចែករំលែកក៏ព្រោះតែអ្នកចង់បានលុយ តែព្រោះតែអ្នកចង់បង្កើតគុណតម្លៃ និង ការអប់រំល្អៗ ដល់សហគមន៍របស់អ្នក ជាពិសេស គឺសហគមន៍ដែលអ្នកដែលរស់នៅក្នុងសហគមន៍នោះ សុទ្ធតែជាបង ប្អូន ជនរួមជាតិជាមួយយើង។ ហើយខ្ញុំក៏មិនចង់ឃើញការបង្ហោះ អ្វីមួយដើម្បីតែទាក់ទាញមនុស្សឲ្យ Upvote ដើម្បីទទួលបានកាក់សេរីផងដែរ។ រៀបរៀងដោយ @Cryptopreneur