ជំនឿ Believe

https://cdn-media-1.lifehack.org/wp-content/files/2015/06/believe.jpg នៅពេលដែលយើងមិនអាចយល់ មិនអាចបកស្រាយ មិនចេះ ជំនឿកើតឡើង។ នៅពេលដែលយើងមិនទាន់មានយានអវកាស យើងជឿថាផែនដីមានរាងសំប៉ែត។ នៅពេលដែលយើងមិនទាន់ចេះ យើងជឿលើគ្រូបង្រៀន។ នៅពេលដែលយើងមិនទាន់មានបទពិសោធន៍ យើងជឿលើសាសនា។ នៅពេលដែលយើងមិនទាន់សាកល្បង យើងជឿលើអ្នកដែលបានសាកល្បងហើយ។ ជំនឿគឺជាការផ្តល់សេចក្តីទុកចិត្តទៅលើធាតុខាងក្រៅខ្លួន ដូចជាសាសនា គ្រូ រៀមច្បង មនុស្សជោគជ័យជាដើម។ តែជំនឿដែលខ្លាំងបំផុតគឺជាជំនឿចិត្តដែលមាននៅលើខ្លួនឯង ការជឿលើខ្លួនឯង ជឿលើការសម្រេចចិត្តរបស់ខ្លួន ជឿលើចំណេះដឹងនិងបទពិសោធន៍របស់ខ្លួន ជឿលើជំនាញរបស់ខ្លួន ជឿលើអ្វីដែលខ្លួនសម្លឹងឃើញ ហើយនឹងធ្វើសកម្មភាពដើម្បីទៅសម្រេចយកវាឲ្យបាន។ នៅពេលដែលយើងជឿលើខ្លួនឯងហើយ គឺងាយស្រួលនឹងឲ្យអ្នកដទៃមកជឿលើយើងដែរ ក៏ប៉ុន្តែប្រសិនបើយើងមិនជឿលើខ្លួនឯងផង តើឲ្យអ្នកណាមកជឿយើងបាន។ រៀបរៀងដោយ @Cryptopreneur