បដិមានាគព័ន្ធការពារមហានគរខ្មែរ

 ## បដិមាសំរិទ្ធិដែលប្រទេសជាច្រើនបានដណ្តើមគ្នា យកពីប្រាសាទនាគព័ន្ធទៅ ១៤៣១ សៀមយកពីនាគព័ន្ធទៅអយុធ្យា ១៥៦៩ មនយកពីអយុធ្យាទៅផេហ្គូ ១៦៦៣ Rakhaing (Arakan) យកពីផេហ្គូទៅ Mrauk U (Myohang) ១៧៨៤ ភូមាយកពី Mrauk U ទៅម៉ាន់ដាឡេ ១៨៨៤ បដិមាត្រូវភ្លើងឆេះ ហើយស្តេច Thihaw រំលាយបដិមាមួយចំនួនទៅធ្វើកាំភ្លើងធំ។ រូបមួយចំនួនគឺនៅទីក្រុងម៉ាន់ដាឡេប្រទេសភូមា។   ## បដិមានាគព័ន្ធព្យាបាលជំងឺ ជំនាន់ដើម គេតែងមានជំនឿថាប្រាសាទនាគព័ន្ធជាប្រាសាទដែលជាកន្លែងសម្រាប់ព្យាបាលជំងឺ មនុស្សសម័យបច្ចុប្បន្នយកអំណះអំណាងមួយទៀតថាប្លង់ប្រាសាទនេះមាននិមិត្តសញ្ញាបូកដូចពេទ្យស្រាប់។ នៅទិសទាំងបួន មានក្បាលបដិមាផ្សេងៗគ្នាដែលតំណាងឲ្យធាតុ ទឹក ដី ភ្លើង ខ្យល់ ដែលមានរូបក្បាលដំរី ក្បាលមនុស្ស ក្បាលតោ និង ក្បាលសេះ។  មិនខុសគ្នាដែរ បដិមាសំរិទ្ធិទាំង៣០ ដែលជាបដិមាការពារមហានគរនៅសម័យព្រះបាទជ័យវរ្ម័នទី៧ ដែលទុកនៅប្រាសាទនាគព័ន្ធនេះ ហើយត្រូវបានប្រទេសស្យាម(ថៃ) វាយដណ្តើមបានយកទៅប្រទេសរបស់ខ្លួន រួចឆ្លងកាត់ការវាយដណ្តើមគ្នាពីតំបន់មួយទៅតំបន់មួយ ពីប្រទេសមួយទៅប្រទេសមួយ ដែលសព្វថ្ងៃនៅក្នុងទឹកដីនៃប្រទេសភូមា។ ប្រជាជនគ្រប់តំបន់គ្រប់ប្រទេស មានជំនឿថាបដិមានាគព័ន្ធទាំងអស់នេះ មានសមត្ថភាពព្យាបាលជំងឺ ដោយគ្រាន់តែយើងយកដៃទៅប៉ះនៅកន្លែងណានៃបដិមា នោះជំងឺរបស់យើងនឹងជាសះស្បើយ ហេតុដូចនេះហើយ ទើបបដិមានេះទៅដល់តំបន់ណា ទៅដល់ប្រទេសណា ក៏គេអនុញ្ញាតិឲ្យមនុស្សស្ទាបប៉ះ ដើម្បីព្យាបាលជំងឺផងដែរ ដែលឫសកែវនៃបដិមាទាំងនេះ គឺចេញពីប្រាសាទនាគព័ន្ធរបស់កម្ពុជាទៅ។  រូបសិង្ហដែលក្បាលជារចនា Amarnapura និង ខ្លួនរចនាបែបខ្មែរ។ នៅពេលដែលរូបនេះត្រូវបានដឹកជញ្ជូនតាមសមុទ្រទៅទីក្រុង Amarnapura ធ្វើឲ្យសិង្ហមួយធ្លាក់ទៅក្នុងសមុទ្រ ពេលទៅដល់ក្រុងAmarnapuraវិញ អ្នកកាទូតខ្លាចត្រូវផ្តន្ទាទោស ក៏ឲ្យជាងបង្កើតក្បាលសិង្ហបែបAmarnapuraមកតនឹងខ្លួនសឹង្ហដែលរចនាបែបខ្មែរ។ រូបទាំងនេះត្រូវបានយកពីកម្ពុជាចំនួន៣០ តែសព្វថ្ងៃនៅសល់តែ៦ដែលនៅវត្តមហាមុន្នី។ ចំណែករូបសឹង្ហបែបខ្មែរក៏លែងមាន គឺនៅសល់តែរូបសឹង្ហដែលមានក្បាលរចនាបែបAmarnapuraនិងមានតួខ្លួនតាមរចនាបែបខ្មែរ។     តើអ្នកដឹងទេថា ប្រាសាទនាគព័ន្ធសង់នៅលើទម្រផ្កាឈូកដ៏ធំមួយ ហើយមានក្បាលសត្វទាំង៤នៅទិសទាំងបួនតំណាងឲ្យធាតុទឹកដីភ្លើងខ្យល់។ ទិសខាងជើង ក្បាលដំរី តំណាងធាតុទឹក ទិសខាងលិច ក្បាលសេះ តំណាងធាតុខ្យល់ ទិសខាងត្បួង ក្បាលតោ តំណាងធាតុភ្លើង ទិសខាងកើត ក្បាលគោ តំណាងធាតុដី តែនៅស្រុកខ្មែរយើងគឺមិនមែនក្បាលគោទេ គឺព្រះកេសមនុស្ស។  តួអង្គសំខាន់ៗនៅប្រាសាទនាគព័ន្ធ អត្ថបដិរូប ១ កោះលង្ការ (កោះពេជ្រ / កោះពេជ) កោះពេជ្រ កោះដែលពោរពេញទៅដោយគ្រឿងអលង្ការ មានត្បូង ពេជ្រ សំរិទ្ធិ ប្រាក់ មាស ជាទីប៉ងប្រាថ្នារបស់មនុស្ស។ កោះពេជ កោះដែលជាពេជឃាដសម្លាប់មនុស្សអស់ជាច្រើននាក់។ ២ ឈ្មួញសំពៅ (អ្នកដើរលេងសប្បាយ) អ្នកដែលចង់បានទ្រព្យសម្បត្តិ លាភសក្ការៈ។ ៣ យក្ខេនី លោភៈ ទោសៈ មោហៈ មច្ឆាទិដ្ឋិ។ ៤ សេះពលហៈ ពោធិសត្វអវលោកេស្វរៈ តួអង្គសង្រ្គោះសត្វលោក។ ៥ ស្រៈអនវតប្តៈ ស្រៈកណ្តាល ជាទីស្ងប់សុខ ត្រជាក់ រំលត់ពីភ្លើងទោសៈ និង ភ្លើងទាំងពួង។ ៦ ឈ្មួញសំពៅសិហល បុគ្គលបំពេញគុណធម៌ (ព្រះពុទ្ធសមណគោត្តម)។ ៧ ស្រៈទាំង៤ ទិសទាំង៤ ធាតុទាំង៤ សម្បត្តិទាំង៤។  @Cryptopreneur