ស្មោះត្រង់ជាស្នូលនៃស្នេហ៍ពិត

សេចក្ដីស្នេហាពិតប្រាកដ មានស្នូលមួយរបស់ វាគឺភាពស្មោះត្រង់។ សេចក្ដីស្មោះត្រង់គឺជាអត្តចរិតនៃ មនុស្សល្អទាំងឡាយ វាគឺគុណសម្បត្តិ នឹងបានទៅជា គុណធម៌មួយដែលអាចស្រូបទាញមនុស្សស្មោះត្រង់ ទាំងឡាយឱ្យចូលមកប្រាស្រ័យក្នុងជីវីភាពរស់នៅ របស់យើង។ ពុំមានភាគីណាម្ខាងខំធ្វើជាស្មោះត្រង់ហៅថាជាសេចក្ដី ស្មោះត្រង់នោះឡើយ វាគឺជាអត្តចរិតធម្មតានៃមនុស្សល្អ ដែលគ្មានចាំបាច់ត្រូវខិតខំដើម្បីស្មោះត្រង់ ឬស្មោះត្រង់ ព្រោះឃើញផលប្រយោជន៍សោះទេ ស្មោះត្រង់គឺជា គុណសម្បត្តិពីកំណើតជាអត្តចរិត ក៏ប៉ុន្តែក៏មិនគួរ ដាក់ទោសនរណាដែលដឹងខ្លួនថា ខ្លួនជាមនុស្សក្រឡិច ក្រឡុចលេសច្រើន ហើយគ្នាពិតជាមានឆន្ទៈចាកចេញ ពីអត្តចរិតរបៀបនេះនោះដែរ។ យ៉ាងហោចបំផុតគេគង់នឹងរៀនក្រេបជញ្ជក់នូវពុទ្ធិនៃភាព ស្មោះត្រង់បានខ្លះសម្រាប់តតាំងនឹងចិត្តនៃអំពើផិតក្បត់ ភូតភរលេសច្រើនរបស់គេដែរ ក៏ពុំមែនមានន័យថាគេ អស់ផ្លូវសម្រាប់រស់នៅក្នុងភាពល្អប្រពៃនោះដែរគ្រាន់តែ គេត្រូវរស់ជាមួយនឹងគង្វាលដ៏ឧត្តមណាម្នាក់ ដែលអាចពត់ លត់ដំគេឱ្យត្រង់បានវាប្រៀបនឹងដែកគោលដែលដំពត់តម្រង់ លើស្រឡៅដូច្នោះដែរ ស្រឡៅអាចត្រង់ព្រោះតែ ដែកគោល។ បើយើងដាក់ចិត្តថាធ្វើគង្វាលដ៏ឧត្តមនោះ នោះយើងត្រូវទទួលស្គាល់ថា ស្រឡៅនឹងវៀចវិញ កាលបើរបេះដែកគោល នេះជាសន្ដានដូច្នេះកុំ គប្បីទោមនស្ស៕ ប្រភពហ្វេសបុក Thai Kimleang