Cambodia Footballl

ប្រភព​ស្និទ្ធនឹងខ្សែបម្រើ ច្រឹង ពលរដ្ឋ ឲ្យដឹងថា សមាជិក​ក្លិបក្រសួងការពារជាតិរូបនេះពិតជាត្រូវបាន​ក្លិបមួយនៅលីគ​លំដាប់ក្រោម​របស់អេស្ប៉ាញទាក់ទងពិតប្រាកដ។ ប្រភពដដែលឲ្យដឹងថា ការទាក់ទងស្ថិតនៅ​ដំណាក់កាលចរចាគ្នា ខណៈខ្សែបម្រើវ័យ​ក្មេងរូបនេះកំពុងសម្រាកព្យាបាលរបួសជើង។ កាលដើមឆ្នាំ២០១៧ ក៏ធ្លាប់មានលេចឮដំណឹងពីការចង់បានសមាជិក​ក្រុមជម្រើសជាតិកម្ពុជាខាងលើពីសំណាក់ក្លិបនៅលីគកំពូលថៃ និង សឹង្ហបុរី ផងដែរ។ មិនតែប៉ុណ្ណោះ ក្លិបវិសាខា បាន​ចរចាផ្ទេរ​យក​អតីត​កីឡាករជម្រើសជាតិ​ U19 រូបនេះដូចគ្នា តែបានបរាជ័យវិញ។ នេះបើយោងតាមសម្ដីរបស់ច្រឹង​ ពលរដ្ឋ «សម្រាប់ខ្ញុំឥលូវ គឺកំពុងចរចា និងត្រៀមខ្លួន ដោយចរចាជាមួយក្លឹបមួយនៅអឺរ៉ុប គឺក្លឹបអេស្ប៉ាញ ។ ប៉ុន្ដែឥលូវ ខាងក្លឹបយើង(ក្រសួងការពារជាតិ) កំពុងចរចាជាមួយក្លឹបនៅអេស្ប៉ាញ ហើយឥលូវសម្រេចបានប្រហែល ៧០% គ្រាន់តែយើងនៅមានបញ្ហាខាងកាទូតបន្ដិច ដែលយើងកំពុងធ្វើការងារនេះ» http://i65.tinypic.com/28mip9z.jpg