លោកឧកញ៉ា ម៉ុង ឬទ្ធី បង្ហើបប្រាប់វិធីដែលលោកអ្នកអាចក្លាយជាអ្នកមានដោយជោគជ័យ
លោកឧកញ៉ាម៉ុងឬទ្ធីបានថ្លែងនៅក្នុងជំនួបមួយជាមួយខ្មែរនៅអាមេរិក ដោយលោកបានបង្ហើបប្រាប់ពីវិធីដែលលោកអ្នកអាចក្លាយជាមហាសេដ្ឋីម្នាក់ដោយជោគជ័យបាន។
លោកបានឆ្លើយតបនឹងបងប្រុសខ្មែរនៅអាមេរិកម្នាក់ដែលបានសួរពីសំនួរនេះថាមានគេធ្លាប់លោកឧកញ៉ាច្រើននាក់ណាស់ថា តើធ្វើម៉េចទៅដើម្បីក្លាយជាអ្នកមានដូចលោកឧកញ៉ា? ជារឿយៗ លោកបានប្រាប់ថា ចង់ដឹងមកដេកស្នាក់នៅចំការគាត់ ហើយនាំគ្នាមើលពីអាជីវកម្មរបស់គាត់ទៅ នឹងដឹងហើយ។
លោកបានពន្យល់ថា ដើម្បីសម្រេចបានលទ្ធផលដូចសព្វថ្ងៃ គឺក្រុមហ៊ុនលោកត្រូវការនូវការគ្រប់គ្រងឲ្យបានល្អ ចេះចាត់ចែងឲ្យបានម៉ត់ចត់។ ហើយលោកមានការព្រួយបារម្ភថាតើបន្ទាប់ពីអស់រូបលោកទៅ តើអ្នកជំនាន់ក្រោយអាចរក្សាជោគជ័យដែលលោកឧកញ៉ាបានកសាងទេ។ លោកថា ជោគជ័យងាយស្រួលជាងក្នុងការបង្កើត ជាជាងការរក្សាជោគជ័យនោះរយះពេលវែង។
ចុងបញ្ចប់នៃចម្លើយរបស់គាត់ទៅ លោកឧកញ៉ាបានឆ្លើយយ៉ាងខ្លីថា បើចង់មាន សូមកុំខ្ជិល។ដូចលោកឧកញ៉ាផ្ទាល់ ទម្រាំមានថ្ងៃនេះគាត់បានចំណាយពេល ចំណាយកម្លាំងឆ្លងកាត់នូវការលំបាកច្រើនណាស់ ទើបអាចក្លាយជាអ្នកមានជោគជ័យម្នាក់បាន។ ដូចនេះបើលោកអ្នកចង់មានដូចរូបលោកដែរ សូមកុំខ្ជិល។
បើតាមលោកឧកញ៉ា តាំងពីគាត់ចាប់ផ្តើមរកសុីមក គាត់ធ្វើការគ្មានសៅរ៍អាទិត្ យគ្មានថ្ងៃបុណ្យទេ។ គាត់បានលើកទ្បើងថា នេះហើយជាប្រភពដែលធ្វើឲ្យលោកជោគជ័យ ដូចនេះចង់ជោគជ័យដូចគាត់ដែរ សូមខំធ្វើដូចគាត់ទៅ កុំខ្ជិល!
គួរបញ្ជាក់ថា លោកឧកញ៉ា ម៉ុង ឬទ្ធី ជាសហគ្រិនខ្មែរមួយដែលបានរកសុីច្រើនមុខរបរតែមុខរបរភាគច្រើនរបស់លោកគឺ ផ្តោតលើកសិកម្មដែលក្នុងនោះលោកបានបង្ហើបឲ្យដឹកថាក្នុងមួយឆ្នាំគ្រាន់តែអាជីវកម្មចិញ្ចឹមជ្រូកមួយមុខ លោកអាចលក់រកចំណូលបានរហូតដល់៥០លានដុល្លារឯនោះ៕
0.000 SRY