ព្រះអង្គម្ចាស់ឌូបៃ ព្រមអោយកម្ពុជាកម្ចីប្រាក់ ៥០០លានដុល្លារ

សម្តេចនាយរដ្ឋមន្រ្តី ហ៊ុន សែន នៃព្រះរាជាណាចក្រកម្ពុជាបានជួបពិភាក្សាការងារជាមួយ​ព្រះអង្គម្ចាស់ Ahmed Dalmook Al-Maktoum នៃ​ប្រទេស​អេ​មី​រ៉ា​ត អារ៉ាប់​រួម​។ ក្នុងជំនួបនោះផងដែរព្រះអង្គម្ចាស់ Ahmed Dalmook Al-Maktoum បានសន្យាថានិងផ្តល់កម្ចីប្រមាណជា ៥០០លានដុល្លារអាមេរិក ដើម្បីប្រើប្រាស់ក្នុងការនំាទំនិញចូលពី អេ​មី​រ៉ា​ត អារ៉ាប់​រួម និងបានសិក្សា​លទ្ធភាព​ផ្សេងៗ​លើ​ការវិនិយោគ​នៅ​កម្ពុជា​។ Image may contain: 1 person, sitting, table, wedding and indoor គួរបញ្ជាក់ផងដែរថា ​ព្រះអង្គម្ចាស់ Ahmed Dalmook Al-Maktoum មានបំណងចង់ជួយ​អភិវឌ្ឃកម្ពុជាអោយកាន់តែមានការរីកចម្រើនជាងមុន​​ ដោយការចាប់ផ្តើមពី​​ទំនាក់ទំនង និង​ការដាក់​ទុនវិនិយោគ​នៅ​កម្ពុជា​»​។ ​ព្រះអង្គម្ចាស់ Ahmed Dalmook Al-Maktoum ចាប់អារម្មណ៍​ការវិនិយោគ​លើ​ប្រព័ន្ធ​ប្រេង ឧស្ម័ន លើ​ពាណិជ្ជកម្ម និង ហិរញ្ញវត្ថុ។ បន្ទាប់ពីបញ្ចប់កិច្ចពីភាក្សា ព្រះអង្គម្ចាស់ Ahmed Dalmook Al Maktoum ក៏បាន​ឆ្លៀត​អញ្ជើញសម្តេច នាយករដ្ឋមន្ត្រី ហ៊ុន សែន ទៅធ្វើ​ទស្សនកិច្ច​នៅ​អេ​មី​រ៉ា​ត​អារ៉ាប់​រួម​ពេលខាងមុខ ។ ជាការ​ឆ្លើយតប សម្តេចនាយក​រដ្ឋមន្ត្រី អះអាងថា នឹង​ពិនិត្យមើល​ពេលវេលា​ដ៏​សមស្រប​ណាមួយ​។​ សម្តេច ហ៊ុន សែន ក៏បាន​លើកឡើង​ផងដែរ​ពី​ការរួមចំណែក​របស់​អេ​មី​រ៉ា​ត អារ៉ាប់​រួម ក្នុងការ​អភិវឌ្ឍន៍​ធនធានមនុស្ស​នៅ​កម្ពុជា តាមរយៈ​ការកសាង​មជ្ឈមណ្ឌល​កុមារកំព្រា និង​ជួយ​ដល់​កុមារកំព្រា​ផង​។ ពាក់ព័ន្ធ​នឹង​ការវិនិយោគ​លើ​វិស័យ​ឧស្ម័ន សម្តេច​បាន​ស្វាគមន៍ និង​មានប្រសាសន៍ថា ក្នុងករណី​ដែល​បាន វិនិយោគ​ក្នុង​វិស័យ​ឧស្ម័ន​នេះ គឺ​ជួយ​កាត់បន្ថយ​ក្នុងការ​កាប់​ឈើ​ធ្វើ​អុស​ដុត​ផង ហើយក៏​ជួយ​ក្នុងការ​គ្រប់គ្រង​ធនធានធម្មជាតិ​ផងដែរ៕