ទម្លាប់៨យ៉ាងរបស់បុគ្គលជោគជ័យតែងធ្វើមុនពេលចូលគេង
តើលោកអ្នកបានធ្វើអ្វីខ្លះមុនចូលគេង? នឹកដល់សំណួរមួយនេះ លោកអ្នកអាចចាប់ផ្តើមគិតមើលឡើងវិញពីអ្វីដែលលោកអ្នកបានធ្វើ មុនពេលចូលគេងកាលពីយប់ម្សិលមិញ។ ទោះបីជាចម្លើយរបស់លោកអ្នកចេញមកក្នុងរូបភាពបែបណាក៏ដោយ ការពិតនៃការលើកឡើងសំណួរនេះ គ្រាន់តែចង់ក្រើនរំលឹកលោកអ្នកឲ្យស្វែងយល់ពីទម្លាប់មួយចំនួនរបស់ បុគ្គលជោគជ័យមុនពេលគេងតែប៉ុណ្ណោះ។ដូច្នេះទើប Dr. Business បានលើកឡើងទម្លាប់ទាំង ៨ យ៉ាងរបស់បុគ្គលជោគជ័យខាងក្រោមនេះដើម្បីអោយលោកអ្នកអាចក្រើនរំលឹកដល់ខ្លួនឯងផងដែរ៖
១) រៀបចំពេលវេលា
គ្មានឡើយភាពខ្ជះខ្ជាយពេលវេលារបស់បុគ្គលជោគជ័យ។ បុគ្គលប្រភេទនេះបានដឹងថា ការកំណត់ពេលវេលាធ្វើកិច្ចការប្រចាំថ្ងៃនីមួយៗឲ្យបានត្រឹមត្រូវ គឺជាការឲ្យតម្លៃដល់ខ្លួនឯង និងអាចឲ្យខ្លួនឯងចេះគោរពតាមផែនការរបស់ខ្លួនទៀតផង។ ពេលវេលាសម្រាប់ការងារ ការទទួលទានអាហារ ការជួបជុំគ្រួសារ មិត្តភក្ដិ លំហែកាយ ឬ ចូលគេងសុទ្ធតែត្រូវបានបែងចែកយ៉ាងត្រឹមត្រូវជាមុន ទើបអ្វីៗអាចសម្រេចបានតាមផែនការទាំងអស់។
២) ចំណាយពេលអានសៀវភៅ
បុគ្គលជោគជ័យនៅលើពិភពលោកភាគច្រើនចូលចិត្តអានសៀវភៅណាស់។ មនុស្សប្រភេទនេះ តែងចូលចិត្តអាន និង រៀនពីអ្វីដែលជាគំនិតរបស់អ្នកដទៃ។ បុគ្គលជោគជ័យទាំងនោះមានជាអាទិ៍មហាសេដ្ឋីអាមេរិក ប៊ីល ហ្គេត ចំណាយពេលអានសៀវភៅរហូតដល់យប់ជ្រៅអស់កម្លាំងទើបចូលទៅគេងតែម្តង។
៣) ជួបជុំសមាជិកគ្រួសារ ឬ មិត្តភក្ដិ
ភាពជោគជ័យ គឺកើតចេញពីទំនាក់ទំនង។ ដូច្នេះហើយបានជាបុគ្គលជោគជ័យទាំងឡាយបានចំណាយពេលវេលាដ៏មានតម្លៃ ដើម្បីជួបជុំជាមួយគ្រួសារ និងមិត្តភក្ដិដើម្បីចែករំលែកចំណេះដឹង ក៏ដូចជាពិភាក្សាពីការងារជាដើម។ បុគ្គលជោគជ័យភាគច្រើនតែងជ្រើសរើសមួយថ្ងៃរៀងរាល់សបា្តហ៍សម្រាប់ការ ជួបជុំជាមួយមិត្តភក្ដិ ហើយក្រៅពីនោះសម្រាប់ការជួបជុំជាមួយគ្រួសារ។
៤) រៀបចំការងារសម្រាប់ថ្ងៃស្អែក
រៀបចំការងារសម្រាប់ថ្ងៃស្អែក គឺជាផែនការសំខាន់មួយ ដែលបុគ្គលជោគជ័យត្រូវរៀបចំឡើងមុនពេលគេង។ បន្ទាប់មក គេត្រូវរៀបចំពីអ្វីដែលជាតម្រូវការសម្រាប់ត្រៀមខ្លួនសម្រេច ផែនការនោះ ដូចជាការរៀបចំសំណុំឯកសារដែលពាក់ព័ន្ធ សំលៀកបំពាក់ត្រៀមទុកមុនជាដើម។៥) មានចក្ខុវិស័យលើផែនការសម្រាប់ថ្ងៃស្អែក
វិធីសាស្ត្រមួយដើម្បីត្រៀមខ្លួនរួចរាល់សម្រាប់អ្វីដែលនឹងកើតឡើង នៅថ្ងៃស្អែក គឺជាចក្ខុវិស័យរបស់បុគ្គលជោគជ័យ។ ផែនការ ឬ គម្រោងដែលនឹងត្រូវធ្វើនៅថ្ងៃស្អែក គឺជាគោលដៅវាយលុកសម្រេចឲ្យបានរបស់អ្នកជោគជ័យដោយទំនុកចិត្ត និង ភាពជឿជាក់ តាមរយៈការស្វែងរកមធ្យោបាយ ដើម្បីឈានទៅដល់សម្រេចផែនការនោះ។
៥) មានចក្ខុវិស័យលើផែនការសម្រាប់ថ្ងៃស្អែក
វិធីសាស្ត្រមួយដើម្បីត្រៀមខ្លួនរួចរាល់សម្រាប់អ្វីដែលនឹងកើតឡើង នៅថ្ងៃស្អែក គឺជាចក្ខុវិស័យរបស់បុគ្គលជោគជ័យ។ ផែនការ ឬ គម្រោងដែលនឹងត្រូវធ្វើនៅថ្ងៃស្អែក គឺជាគោលដៅវាយលុកសម្រេចឲ្យបានរបស់អ្នកជោគជ័យដោយទំនុកចិត្ត និង ភាពជឿជាក់ តាមរយៈការស្វែងរកមធ្យោបាយ ដើម្បីឈានទៅដល់សម្រេចផែនការនោះ។
៦) សរសេរលទ្ធផលដែលសម្រេចបាននៅថ្ងៃនេះ
តើអ្នកបានសម្រេចសមិទ្ធផលអ្វីខ្លះនៅថ្ងៃនេះ? នេះជាសំណួរមួយរបស់បុគ្គលជោគជ័យតែងចោទសួរខ្លួនឯងមុនពេលចូលគេង។ វាអាចជាចម្លើយអវិជ្ជមានសម្រាប់អ្នក តែសម្រាប់បុគ្គលប្រភេទនេះត្រូវតែសម្រេចឲ្យបាន។ ការទទួលទានអាហារថ្ងៃត្រង់ ពេលល្ងាច ឬ អាចត្រលប់មកផ្ទះវិញបានទៀងទាត់ ចំណាយពេលវេលាដ៏មានតម្លៃសម្រាប់បង្កើនភាពស្និទ្ធស្នាលក្នុង គ្រួសារ នឹងធ្វើឲ្យបុគ្គលទាំងនេះគេងលក់ស្រួល។
៧) ការងារថ្ងៃនេះត្រូវធ្វើថ្ងៃនេះ
តើអ្នកធ្លាប់គិតទេថា បុគ្គលជោគជ័យជាមនុស្សខ្ជិលទុកការងារនៅគរជើងលើគ្នារកចេញជា សមិទ្ធផលមួយគ្មាន? ចុះអ្នកវិញយ៉ាងម៉េចដែរ? បើលោកអ្នកបំពេញការងារមិនអស់ពីដៃពីជើង ហើយទុកចោល អាងថាចាំថ្ងៃនេះ ឬ ថ្ងៃនោះ មួយឆាកជីវិតរបស់អ្នកប្រហែលនៅតែជាមនុស្សបរាជ័យដដែល។ វាមិនមែនមានន័យថា បុគ្គលជោគជ័យទាំងអស់អាចធ្វើការងារសុទ្ធតែរួចរាល់នោះទេ តែបើការងារនោះសម្រេចមិនបាននៅថ្ងៃនេះ គេនឹងប្ដេជ្ញាថា នឹងធ្វើឲ្យហើយនៅថ្ងៃស្អែក។
៨) គេងឲ្យគ្រប់គ្រាន់
លោកអ្នកពិតជាធ្លាប់ស្ថិតក្នុងស្ថានភាពមួយដែលគេងមិនគ្រប់នឹងធ្វើឲ្យអ្នកអស់កម្លាំង ងងុយគេង ធ្វើកិច្ចការអ្វីមិនបានសម្រេច ហើយមិនយូរមិនឆាប់នឹងមានជំងឺ និងបណ្តាលឲ្យសមត្ថភាពខួរក្បាលចុះខ្សោយជាមិនខាន។ ដូច្នេះដើម្បីទទួលបានជោគជ័យដូចបុគ្គលជោគជ័យនានា លោកអ្នកត្រូវគេងឲ្យបានគ្រប់គ្រាន់ទើបជាការប្រសើរ៕
Comments