👦រឿងនិទានខ្លី🌾

🐒 ក្រពើ ចង់សុីបេះដូង ស្វា 🐒 http://i67.tinypic.com/35l82rt.png មានសត្វស្វាមួយរស់នៅលើដើមឈើក្បែមាត់ស្ទឹង។ក្នុងស្ទឹងនោះក៍មានសត្វក្រពើមួយរស់នៅផងដែរ។ http://i68.tinypic.com/n6coit.png ថ្ងៃមួយហេតុតែចង់សីុបេះដូងស្វា ក្រពើបានហែលមកក្បែជ្រាំងក្រោមដើមឈើដែលស្វារស់នៅនោះ។ហើយក៍និយាយបញ្ឆោតទៅស្វាថា នែ!បងស្វា តើបងស្វាឯងចង់ទៅលេងលើកោះកណ្ដាលស្ទឹងនោះដែររឺទេ?ដោយមានបំណងចង់ទៅលេងជាយូរមកហើយផង ពេលឮដូច្នេះ ស្វាក៍តបវិញថា ខ្ញុំចង់ទៅ ប៉ុន្តែខ្ញុំមិនដឹងជាត្រូវទៅបានយ៉ាងដូចម្ដេច?ត្បិតអីកោះនោះនៅឆ្ងាយពីជ្រាំង ហើយទឹកក៍ជ្រៅទៀត។ ក្រពើតប មិនអីទេបើបងចង់ទៅ បងឡើងជិះលើខ្នងខ្ញុំមក ចាំខ្ញុំជួនទៅ។ និយាយគ្នារួច ស្វាក៍ឡើងជិះលើខ្នងក្រពើទៅ។ពេលកំពុងធ្វើដំណើរ ក្រពើបាននិយាយ ពីរឿងនេះ ពីរឿងនោះ ប្រាប់ដល់ស្វា។ហើយពេលបានទៅដល់ពាក់កណ្ដាលផ្លូវ ក្រពើបានសួរទៅស្វាថា នែ!បងស្វា ខ្ញុំចង់បានបេះដូងរបស់បងស្វាឯង តើបងស្វាឯងអាចអោយបេះដូងរបស់បងស្វាឯងមកខ្ញុំបានទេ?ព្រោះខ្ញុំចង់យកបេះដូងរបស់បងស្វាឯងទៅធ្វើជាថ្នាំព្យាបាលជំងឺ។ ស្វាឮដូច្នេះ ដឹងច្បាស់ថាក្រពើមានបំណងចង់សុីខ្លួន ក៍តបទៅវិញថា បេះដូងខ្ញុំ ខ្ញុំមិនបានយកមកតាមទេ ខ្ញុំទុកវានៅលើចុងឈើអម្បាញមិុញឯនោះ បើអញ្ចឹងបងឯងយកខ្ញុំទៅកន្លែងដើមឈើមុិញទៅ ចាំខ្ញុំយកបេះដូងខ្ញុំអោយបងទុកគ្រាន់ធ្វើថ្នាំ។ដោយភាពល្ងុងខ្លៅរបស់ក្រពើ ក្រពើក៍នាំយកស្វាមកកន្លែងដើមឈើនោះវិញ។ពេលមកជិតដល់ជ្រាំង ស្វាក៍ស្ទុះលោតឡើងលើដើមឈើនោះបាត់ទៅ....ចប់.....😉។ http://i64.tinypic.com/xbl9af.png http://i67.tinypic.com/2ytobr8.png