5 តំបន់នេះ ទឹកជំនន់បន្តកើនឡើង នៅប៉ុន្មានថ្ងៃខាងមុខ

 ​ក្រសួង​ធនធាន​ទឹក និង​ឧតុនិយម បាន​ប្រកាស​ថា ពី​ស្ថានភាព​ទឹក​ជំនន់ នៅ​ក្នុង​ប្រទេស​កម្ពុជា​អាច​បន្ត​កើន​ឡើង ដោយសារ​កម្រិត​ទឹក​ភ្លៀង​បន្តធ្លាក់។សេចក្តីប្រកាស​ បាន​អោយ​ដឹង​ថា បច្ចុប្បន្ន ប្រព័ន្ធ​សម្ពាធ​ទាប​មួយ បាន​នឹង​កំពុង​អូស​កាត់​អាង​ទន្លេ​មេគង្គ ក្នុង​ប្រទេស​ថៃ និង​ប្រទេស​ឡាវ ប៉ុន្តែ​ប្រព័ន្ធ​សម្ពាធ​ទាប​នេះ នៅ​មាន​ឥទ្ធិពល​ខ្សោយ ដោយ​បង្ក​អោយមាន​ការ​ធ្លាក់​ភ្លៀង​តែ​ក្នុង​កម្រិត​ពី​តិច​ទៅ​មធ្យម។ក្រសួង​ធនធាន​ទឹក បាន​ព្យាករណ៍​ថា ស្ថានភាព​ទឹក​ជំនន់​ទឹក​ទន្លេ ក្នុង​ប្រទេស​កម្ពុជា នៅ 5 តំបន់នេះ ដើម្បីដឹងជាដំណឹងជាមុន ចៀសវាងគ្រោះថ្នាក់។ 5 តំបន់ដូចខាងក្រោម :  1, ខេត្ត​ស្ទឹង​ត្រែង : ទឹក​នឹង​កើន​ឡើង​ដល់​កម្ពស់ 10,79 ម៉ែត្រ ក្នុងរយៈពេល 1 ឬ 2 ​ថ្ងៃ​ទៀត (កម្រិត​កម្ពស់​ត្រូវ​ប្រុង​ប្រយ័ត្ន 10,70 ម៉ែត្រ)។ 2, ខេត្ត​ក្រចេះ : ទឹក​នឹង​កើន​ឡើង​ដល់​កម្ពស់ 21,97 ម៉ែត្រ (កម្រិត​កម្ពស់​ត្រូវ​ប្រុង​ប្រយ័ត្ន 22,00 ម៉ែត្រ) ក្នុងរយៈពេល 2 ឬ 3 ​ថ្ងៃ​ទៀត។ 3, ខេត្ត​កំពង់ចាម : ទឹក​នឹង​កើន​ឡើង​ដល់​កម្ពស់ 15,28 ម៉ែត្រ (កម្រិត​កម្ពស់​ត្រូវ​ប្រុង​ប្រយ័ត្ន 15,28 ម៉ែត្រ) ក្នុងរយៈពេល 3 ឬ 4 ថ្ងៃ​ទៀត។ 4, ចំពោះ​ទន្លេ​មេគង្គ​ក្រោម ទន្លេបាសាក់ និង​ទន្លេសាប ទឹក​នឹង​បន្ត​កើន​ឡើង​បន្ថែម។ 5, បឹង​ទន្លេ​សាប ទឹក​មាន​កម្ពស់ 5,33 ម៉ែត្រ ពោល​គឺ​នៅ​មាន​លទ្ធភាព​ស្រូប​យក​ទឹក​ជំនន់​បាន​ច្រើន​បន្ថែម។  ប្រភព : ក្រសួងធនធានទឹក