ប្រវត្តិ Honda ល្អខ្លាំងប៉ុណ្ណា មុនមកដឹកនាំជម្រើសជាតិកម្ពុជា២ឆ្នាំ

![20180813_063315.jpg](https://serey.io/imageupload_data/0095da5bb370d363ecc56757769a31cec8c0d134) Keisuke Honda ត្រូវបានសហព័ន្ធកីឡាបាល់ទាត់កម្ពុជាប្រកាសតែងតាំងជាអ្នកចាត់ការថ្មីរបស់ក្រុមជម្រើសជាតិកម្ពុជាហើយ ដើម្បីត្រៀមលេងប្រកួតមិត្តភាព និងផ្លូវការនានាក្នុងកុងត្រារយៈពេល២ឆ្នាំ។ តើអតីតកីឡាករជម្រើសជាតិជប៉ុនខាងលើនេះ មានប្រវត្តិល្អយ៉ាងណាខ្លះទៅ ទើបបានជាសហព័ន្ធកីឡាបាល់ទាត់កម្ពុជាព្រមយករូបគេមកធ្វើជាអ្នកចាត់ការក្រុមជម្រើសជាតិ? http://i64.tinypic.com/2q20baw.jpg Honda មានវ័យ៣២ឆ្នាំហើយ ដោយមានដើមកំណើតកើតនៅក្រុង Osaka ប្រទេសជប៉ុន។ ដោយគ្រួសាររបស់គេនេះ គឺជាអ្នកកីឡាតែម្ដង ទាំងបងប្រុស ពូ និងសាច់ញាតិទាំងអស់។ ដោយបងប្រុសជាកីឡាករបាល់ទាត់ ពូជាកីឡាករទូកកាណូ បងជីជូនមួយជាអ្នកកីឡាកាស។ រូបគេឈានជើងចូលកីឡាបាល់ទាត់នេះ ដោយចូលរួមជាមួយក្រុមយុវជន Gamba Osaka ។ សិក្សាផង លេងបាល់ទាត់ផង រហូងទល់ចប់ថ្នាក់វិទ្យាល័យ ទើប Honda សម្រេចចិត្តចាប់អាជីពជាកីឡាករបាល់ទាត់តែម្ដងនៅឆ្នាំ២០០៤ ជាមួយក្រុម Nagoya Grampus ដែលគ្រានោះលេងនៅលីគកំពូលជប៉ុន។ http://i63.tinypic.com/2wmnbtc.jpg ដោយសារតែមានសមត្ថភាពខ្ពស់នេះ Honda បានអភិវឌ្ឍខ្លួនយ៉ាងលឿន ដោយលេងនៅក្លឹប Nagoya Grampus តែ៣រដូវកាលប៉ុណ្ណោះ ក៏ចុះកុងត្រាទៅលេងនៅក្លឹប VVV-Venlo របស់ហុល្លង់ទៅហើយ។ ការចាកចេញទៅលេងនៅក្រៅប្រទេសលើកដំបូងគ្រានោះ រូបគេនៅតែជោគជ័យខ្លាំង រហូតដល់ក្លឹបនៅរុស្ស៊ី CSKA Moscow ទិញយកបន្ដនៅឆ្នាំ២០០៩។ លេងនៅរុស្ស៊ីនេះ បាន៥ឆ្នាំ Honda ក៏ចាប់ផ្ដើមផ្លាស់ទៅលេងនៅអ៊ីតាលីទៀតហើយ ដោយចូលរួមជាមួយ AC Milan ។ AC Milan នេះ៣រដូវកាល បង្ហាញខ្លួនបានច្រើនមែន ប៉ុន្តែមិនជោគជ័យខ្លាំងឡើយ ពោលគឺ៨១ប្រកួត រកគ្រាប់បាល់បាន៩គ្រាប់ប៉ុណ្ណោះ។ នៅឆ្នាំ២០១៧ រូបគេក៏សម្រេចចិត្តទៅលេងនៅក្លឹប Pachuca ទៀតនៅមិចសិកូ ដោយលេងតែ១រដូវកាលប៉ណ្ណោះ។ ខណៈដែលក្រោយចប់ពី World Cup 2018 នេះទៅ រូបគេបានប្រកាសថានឹងចូលរួមជាមួយក្រុម Melbourne City របស់អូស្ត្រាលីទៀតហើយ។ មិនត្រឹមតែចូលរួមជាមួយក្រុម Melbourne City នេះទេ នៅព្រឹកនេះទៀតសោត Honda ត្រូវបានសហព័ន្ធបាល់ទាត់កម្ពុជាប្រកាសឱ្យធ្វើជាអ្នកចាត់ការក្រុមជម្រើសជាតិកម្ពុជាទៀតហើយ ដោយមានកុងត្រា២ឆ្នាំនៅទីនេះ ដើម្បីជួយកម្ពុជា។ ការមកដឹកនាំក្រុមកម្ពុជានេះដែរ រូបគេមិនយកប្រាក់ខែឡើយ។ ចប់ពីការងារនៅក្លឹបអាជីព ងាកមកមើលប្រវត្តិនៅជម្រើសជាតិជប៉ុនវិញ Honda ជាប់ជម្រើសជាតិឈុតធំនៅឆ្នាំ២០០៨។ គិតមកដល់ពេលនេះ រូបគេបង្ហាញខ្លួនបាន៩៨ប្រកួត និងរកគ្រាប់បាល់បាន៣៧គ្រាប់។ នៅ World Cup 2018 នេះ រូបគេជាតួអង្គសំខាន់របស់ជម្រើសជាតិ ដែលបានជួយក្រុមឡើងដល់វគ្គ១៦ក្រុមចុងក្រោយ។ ពានរង្វាន់ធំបំផុតដែល Honda បានឈ្នះជាមួយក្រុមជប៉ុន គឺ AFC Asian Cup ឆ្នាំ២០១១។ https://youtu.be/g_FzA25L1s0

ប្រវត្តិ Honda ​ល្អ​ខ្លាំង​ប៉ុណ្ណា ​មុន​មក​ដឹក​នាំ​ជម្រើស​ជាតិ​កម្ពុជា២​ឆ្នាំ​

Comments

ប្រវត្តិ Honda ល្អខ្លាំងប៉ុណ្ណា មុនមកដឹកនាំជម្រើសជាតិកម្ពុជា២ឆ្នាំ