ការជឿទុកចិត្តវាគឺជាមូលដ្ឋានគ្រឹះមួយ នៃការធ្វើឱ្យប្រសើរឡើងនៃជីវិតរបស់មនុស្សគ្រប់រូប គឺចាំបាច់ណាស់ដើម្បីអាចរស់នៅនិងអាចចូលក្នុងទំនាក់ទំនងសង្គម គឺមានន័យថាអ្នកចាប់ផ្តើមពីលទ្ធផលពិតប្រាកដមួយដោយមិនអាចព្យាករណ៍វាបានច្បាស់និងរួមមានហានិភ័យជាក់លាក់ផងដែរ អ្នកត្រូវអនុវត្តនូវគន្លឹះមួយចំនួនជាញឹកញាប់ដើម្បីបង្កើននូវការជឿទុកចិត្តវាងគ្នានិងគ្នាទៅវិញទៅមក។ នាងខ្ញុំសូមផ្តល់នូវចំណុចដ៏សំខាន់ៗមួយចំនួនដល់មិត្តអ្នកអាន ដែលជាគន្លឹះបង្កើននូវការជឿទុកចិត្តគឺមានដូចខាងក្រោមនេះ : ១- ត្រូវតែប្រាប់ការពិតឱ្យមនុស្សផ្សេងទៀតដឹងអំពីអ្វីដែលអ្នកកំពុងធ្វើនិងប្រាប់រឿងនេះដោយប្រើនូវភាសាសាមញ្ញៗ ២-ត្រូវហ៊ានកែកំហុស (ប្រសិនបើអ្នកបានធ្វើអ្វីខុស អ្នកត្រូវតែព្យាយាមធ្វើការកែប្រែនិងសុំអភ័យទោសចំពោះបុគ្គលនោះ) ៣-បង្ហាញភាពស្មោះត្រង់(ទទួលស្គាល់ការចូលរួមចំណែករបស់អ្នកដទៃ តំណាងឱ្យអ្នកដទៃដែលមិនអាចមានវត្តមាននៅ ពេលនោះដើម្បីដោះស្រាយអ្វីដោយខ្លួនឯងបាន ហើយនឹងមិននិយាយដើម) ៤-ធ្វើឱ្យក្លាយជាល្អប្រសើរជាងមុន(ព្យាយាមអភិវឌ្ឍខ្លួនឯង ចាត់ទុកការឆ្លើយតបឬការទទួលបានមតិយោបល់ពីអ្នកដទៃ ជាអំណោយ និងយកវាទៅសិក្សាកែលម្អ) ៥-បញ្ជាក់ច្បាស់ពីការរំពឹងទុករបស់អ្នក( ត្រូវតែមានតម្លាភាព អំពីការរំពឹងទុករបស់អ្នក ចំពោះអ្នកដទៃ) ៦-ស្តាប់ជាមុនសិន(ស្តាប់ដោយយកចិត្តទុកដាក់ជាមុន កុំសន្មតថាអ្នកដឹងអ្វីដែលសំខាន់បំផុតចំពោះអ្នកដទៃហើយក៏កុំ សន្មតថាអ្នកនឹងដឹងចម្លើយឬក៏សំណួរទាំងអស់។ ៧-ផ្តល់ទំនុកចិត្ត(ផ្តល់ទំនុកចិត្តដល់អ្នកដទៃផ្តល់ឱ្យពួកគេនូវឱកាសដើម្បីបង្ហាញថាពួកគេមានតម្លៃនិងមានភាពជឿ ទុកចិត្ត) ៨-ត្រូវតែអនុវត្តតាមកិច្ចព្រមព្រៀង(ជៀសវាងការទទួលខុសត្រូវនិងមិនងាកចេញពីវា កុំបន្ទោសអ្នកដទៃហើយកុំចង្អុល បង្ហាញថារឿងមិនដំណើរការល្អ) ៩-បង្ហាញការគោរព(យកចិត្តទុកដាក់ដោយស្មោះដល់អ្នកដទៃ បង្ហាញថាអ្នកពិតជាយកចិត្តទុកដាក់ចំពោះអ្នកដទៃមែន ព្រមទាំង គោរពសេចក្តីថ្លៃថ្នូររបស់មនុស្សគ្រប់រូបនិងគ្រប់មុខងារទាំងអស់ ផ្តល់ឱ្យអ្នករាល់គ្នានូវការគោរពរាប់អាន ជា ពិសេសចំពោះអ្នកដែលមិនអាចធ្វើអ្វីបានសម្រាប់អ្នក) ១០-ផ្តល់មតិយោបល់ (បង្ហាញយ៉ាងច្បាស់នូវអ្វីដែលអ្នកចូលចិត្តឬមិនចូលចិត្ត ហើយចង្អុលបង្ហាញរបៀបនិងមូលហេតុក្នុងលក្ខណៈមិត្តភាព) ដូច្នេះយើងត្រូវសិក្សាព្យាយាមសាកល្បងដើម្បីបង្កើននូវការជឿទុកចិត្តវាងគ្នានិងគ្នា។