វិបត្តិដំណេក(Sleep disorder)
ការដេកពួន​ ជារឿងហាក់ដូចជាសាមញ្ញ​ តែមិនងាយព្យាបាលបានទេ។ ពិបាកដំណេកមានពីរធំៗ​ មួយដេកមិនលក់​ ពីរដេកច្រើនជ្រុល ។ ការដេកមិនលក់មានច្រើនសណ្ឋានទៀត​ ដែលសុំមិនរៀបរាប់ទេ​ ហើយដេកមិនលក់មិនមែនជាជម្ងឺដេកមិនលក់នោះទេ​ សូមកុំច្រឡំ។ មានជម្ងឺនិងបញ្ហារាប់សឹបអាចដល់រយមុខ​ ដែលក្នុងនោះធ្វើអោយដេកមិនលក់។ ត្រូវស្វែងយល់ថា​ ការដេកមិនលក់នោះ​ វានៅក្នុងជម្ងឺអី​ ហើយមានហេតុផលយ៉ាងណា​ ដែលជាទូទៅវាសាំញ៉ាំណាស់​ មិនងាយយល់បានស្រួលដូចយើងតែងនិយាយផ្តល់ប្រឹក្សាគ្នានោះទេ​ ហើយពីម្នាក់ទៅម្នាក់​ វាជាជម្ងឺឬបញ្ហាដែលមានហេតុផលផ្សេងគ្នាដាច់ស្រឡះ​ មិនមែនងាយនិយាយដូចអស់លោកចេះតែណែនាំអោយគេធ្វើនេះធ្វើនោះ​ លេបនេះលេបនោះ​ ដូចយកត្រីទៅអាំងឬប្រឡាក់ទេ។ ក្រៅពីប្រើថ្នាំអោយត្រូវនឹងឈ្មោះជម្ងឺឬបញ្ហារបស់វាដោយមានការដោះស្រាយដោយមិនប្រើថ្នាំថែមទៀត​ ដូចជាកែទម្លាប់​ តម​ ប្រកាន់អនាម័យនៃការរស់នៅ​ របៀបធ្វើការ​ ការប្រកាន់ជំហរមួយអោយនឹងន មានជំលោះទាស់ទែងមានការំជួលចិត្តគ្មានដំណោះស្រាយជាដើម។ ការអោយដំណេកអាចត្រឡប់មកប្រក្រតីវិញ​ វាត្រូវសុីពេលយូរ​ ព្រោះទម្លាប់មិនល្អងាយនឹងកើតមានហើយរហ័សទៀត ការកែទំលាប់អាក្រក់ឬមិនល្អនេះអោយមកល្អវិញត្រូវសុីពេលរាប់ខែអាចដល់ឆ្នាំ។ គ្រាន់តែការសំពះ​ ដែលប៉ុលពតមិនអោយធ្វើមានរយ:ពេលតែបួនឆ្នាំ​ យើងត្រូវចំណាយពេលយ៉ាងតិច២០ឆ្នាំទើបអាចសំពះបានត្រង់ជួរគួរសមមកវិញបាន។ ដូចនេះ​ អ្នកមានបញ្ហាដេកមិនលក់ត្រូវយល់វាអោយច្បាស់​ ហើយកុំចង់បានដេកលក់ភ្លាមដូចគេជប់​ គ្មានពេទ្យជាឥសីជួយបានតាមចិត្តយើងចង់ទេ​ មានតែត្រូវរង់ចាំតាមលំនាំនិងប្រភេទនៃការដេកមិនលក់របស់ខ្លួន​ កុំចង់បានអោយតាមតែចិត្តដែលខ្លួនចង់បានអោយសោះ​ ត្រូវស្តាប់និងគោរពតាមគ្រូពេទ្យព្យាបាលអោយបានជាប់លាប់​ ទៀងទាត់ជាប្រចាំ​ បើធ្វើលេងៗនាំអោយតែវិនាសខ្លួនឯងទេ។