សេចក្តីសុខរបស់មនុស្សសម័យថ្មីៈ
យុវជនតែងព្យាយាមប្រើជីវិតដែលពោរពេញទៅដោយសេរីភាព គេបានសាកល្បងគ្រប់រសជាតិជីវិត តាំងពីបោះបង់ចោលការសិក្សា ហើយដើរប៉ោឡែ លេងស្រីស្រាល្បែងនិងគ្រឿងញៀនគ្រប់បែបយ៉ាង លឿនហួសជន្ទោល លុះស្កប់ស្កល់ហើយ មួយក្រុមត្រឡប់មកខិតខំកសាងខ្លួនឡើងវិញ ទីបញ្ចប់គេបានរកឃើញជីវិតដែលមានន័យ គឺបានរស់នៅក្បែរមនុស្សដែលខ្លួនស្រឡាញ់និងបានធ្វើការងារដែលខ្លួនចូលចិត្ត។មួយក្រុមទៀតបានក្លាយជាឆ្កែអង្គែសុីដេកតាមចិញ្ចើមថ្នល់អស់ទៅ ព្រោះតែការមិនចេះដកថយពីអំពើអបាយមុខ។អ្នករកជោគជ័យឃើញក្នុងជីវិត គឺអ្នកបានធ្វើការងារដែលខ្លួនចូលចិត្តនិងបានរស់នៅក្បែរមនុស្សដែលខ្លួនស្រឡាញ់ បើខ្វះលក្ខ័ណ្ឌពីរយ៉ាងនេះ ទោះជាមានទ្រព្យសម្បត្តិស្តុកស្តម្ភយ៉ាងណា ក៏ការរស់នៅមិនខុសពីយន្តហោះបាក់ស្លាបដែរ!។