តើអ្នកត្រៀមខ្លួនរួចរាល់ដើម្បីធ្វើឱ្យខ្លួនឯងមានសុខភាពល្អដោយមិនចាំបាច់ប្រើការហាត់ប្រាណខ្លាំងឬតមអាហារយ៉ាតឹងរ៉ឹងហើយឬនៅ? 75 Soft Challenge គឺជាផែនការដ៏ងាយស្រួល និងមានតុល្យភាព ដែលជួយអ្នកស្ថាបនាទម្លាប់ល្អក្នុងរយៈពេល 75 ថ្ងៃ។

តើ 75 Soft Challenge គឺជាអ្វី?

នេះជាកម្មវិធីសម្រាប់កសាងទម្លាប់ល្អដែលអាចបន្តបានយូរអង្វែង។ វាជាជម្រើសស្រួលជាង 75 Hard Challenge ដែលតម្រូវឱ្យមានការហាត់ប្រាណខ្លាំង និងវិន័យតឹងរ៉ឹង។

ចំណុចសំខាន់រួមមាន:

1. ញ៉ាំអាហារដែលមានសុខភាពល្អ និងផឹកគ្រឿងស្រវឹងតែពេលសង្គមប៉ុណ្ណោះ។
2. ហាត់ប្រាណ 45 នាទីរៀងរាល់ថ្ងៃ ដោយធ្វើការកម្តៅឆ្អឹងស្រាលៗ។
3. ផឹកទឹក 3 លីត្រ ក្នុងមួយថ្ងៃ (តាមតម្រូវការក្នុងសុខភាពអ្នក។)
4. អានសៀវភៅ 10 ទំព័រ ក្នុងមួយថ្ងៃ។

កម្មវិធីនេះផ្តោតលើការរស់នៅប្រកបដោយសុខភាពល្អ ដោយសាមញ្ញ និងមិនstress។

វិធីសាស្រ្តដើម្បីជោគជ័យក្នុង 75 Soft Challenge

1. ញ៉ាំអាហារដែលមានសុខភាពល្អ

• ជៀសវាងអាហារកែច្នៃ និងស្ករច្រើន។
• ផ្តោតលើបន្លែស្រស់ ខ្លាញ់ល្អៗ និងប្រូតេអ៊ីនដែលមានគុណភាព។
• ជំនួសគ្រឿងស្រវឹងជាមួយភេសជ្ជៈដូចជា Kombucha ដើម្បីជួយសុខភាពពោះវៀន។

2. ការតមអាហារបណ្តោះអាសន្ន

• បន្ថយអាហារម្តងបន្តិច រហូតដល់អ្នកអាចញ៉ាំតែ 1រឺ 2 ដងក្នុងមួយថ្ងៃ។
• វិធីសាស្រ្តនេះជួយសម្រកទម្ងន់ បង្កើនការរំលាយអាហារ និងធ្វើអោយមុខងារខួរក្បាលប្រសើរឡើង។

3. ហាត់ប្រាណប្រចាំថ្ងៃ

• ធ្វើសកម្មភាពស្រាលៗ ដូចជាការដើរ ថែសួនច្បារ ឬការងារផ្ទះសាមញ្ញៗ។
• បន្ថែមការហាត់ប្រាណចន្លោះពេលអាំងតង់ស៊ីតេខ្ពស់ (HIIT) ពីរដងក្នុងមួយសប្តាហ៍ ដើម្បីបង្កើនការដុតជាតិខ្លាញ់ និងការស៊ូទ្រាំ។

4. ផ្តល់ជាតិទឹកដល់ខ្លួនឯង

• ផឹកទឹកតាមតម្រូវការ។
• បន្ថែមទឹកក្រូចឆ្មា ឬភេសជ្ជៈអេឡិចត្រូលីតដើម្បីជួយសុខភាព និងស្តារកម្លាំង។

5. អានសៀវភៅប្រចាំថ្ងៃ

• អាន 10 ទំព័របានធ្វើឱ្យស្ត្រេសថយចុះ និងជួយពង្រឹងចិត្តឆ្ងាយពីបញ្ហាប្រចាំថ្ងៃ។
• សូម្បីតែការអានត្រឹមតែប្រាំមួយនាទីក៏អាចបន្ថយកម្រិតស្ត្រេសបានយ៉ាងល្អ។

ការចាប់ផ្តើមដំបូងត្រូវ:

• រៀបចំផែនការ: រក្សាអាហារសុខភាពល្អ និងសៀវភៅសម្រាប់អាន។
• ទៅយឺតៗ: ការតមអាហារងាយៗ និងហាត់ប្រាណ ដើម្បីជៀសវាងការអស់កម្លាំង។
• កំណត់គោលដៅតូចៗ: ដូចជាប្តូរអាហារសម្រន់ជាអាហារដែលមានប្រយោជន៍។

តាមរយៈការតាមដានវឌ្ឍនភាពរបស់អ្នក និងរក្សាភាពជាប់លាប់ អ្នកនឹងអាចផ្លាស់ប្តូរទម្លាប់ទាំងនេះទៅជារបៀបរស់នៅយូរអង្វែងបាន។

គន្លឺះសង្ខេប

75 Soft Challenge គឺការផ្លាស់ប្តូរទម្លាប់តិចតួចដែលប្រកបដោយនិរន្តរភាព ដោយញ៉ាំអាហារល្អ រស់នៅសកម្ម ផ្តល់ជាតិទឹក និងផ្តោតលើសុខភាពផ្លូវចិត្តរបស់អ្នក។ យូរៗទៅ ទម្លាប់ទាំងនេះអាចធ្វើឲ្យសុខុមាលភាពរបស់អ្នកកាន់តែប្រសើរឡើង ដោយគ្មានភាពstress!