សួនគំនិត !
១- ភាពក្លាហានមិនមែនមានន័យថា គេមិនចេះខ្លាចអីទាំងអស់នោះទេ ភាពក្លាហានវាមានន័យថា គេមិនឲ្យការភ័យខ្លាចគ្រប់គ្រងគេបានតែប៉ុណ្ណោះ ! ។
២- គ្រាន់តែឈប់ទើសចិត្ត ឈប់រិះគន់ ឈប់មើលងាយអ្នកដទៃ សេចក្តីសុខកើតឡើងយកមិនអស់ ។
៣- គ្រាន់តែពាក្យខុសត្រូវនិងហេតុផលរបស់វា មនុស្សល្ងង់ប្រកាប់ ប្រចាក់គ្នាមិនចេះហត់នឿយ មនុស្សឆ្លាតព្រលែងចោលអត់ខ្វល់ ព្រោះគេដឹងថា ត្រឹមតែគំនិត ! ។
៤- ពាក្យខ្លីមានន័យ មានប្រយោជន៍ ប្រសើរជាងពាក្យគំរោះគំរើយទ្រគោះបោះបោក ផ្ការីកបានដោយសារទឹកភ្លៀងមិនមែនដោយសារផ្គរនោះទេ ។