១- សត្វលោកមិនមានអ្វីជាទីពឹងពិតប្រាកដទេ។
២- សត្វលោកឋិតក្រោមអំណាចតណ្ហាជានិច្ច សត្វលោកខ្វះកន្លះជានិច្ច ជាកញ្ជះនៃតណ្ហា ។
៣- សត្វលោកតែងត្រូវជរានាំទៅកាន់មរណៈជានិច្ច ។
៤- អ្វីដែលសត្វលោកយកតាមបានគឺមានតែបុណ្យនិងបាប ។
ពុទ្ធបរិស័ទគឺជាក្រុមមនុស្សដែលសំបូរដោយបញ្ញា ព្រោះដើរតាមព្រះពុទ្ធគឺជាស្តេចនៃអ្នកប្រាជ្ញ ការជឿព្រះពុទ្ធដីកា ព្រោះតែគេបានពិចារណាយល់ច្បាស់ពីពុទ្ធដីកា មិនមែនជាការពឹងពាក់បារមីព្រះពុទ្ធទាំងស្រុងទេ ទាំងមិនមែនជាការដើរតាមព្រោះជាប្រពៃណីពីដូនតា ពីឪពុកម្តាយ ព្រោះឮតៗគ្នា ខំថាតាមគ្នា ខំកាន់ជើងគ្នាក៏ទេដែរ ។