ពលរដ្ឋម្នាក់ ជំនាញមួយ!

-មានសាលាល្អ ប៉ុន្តែបើគ្មានអ្នករៀន គឺគ្មានប្រយោជន៍។
-មានមន្ទីរពេទ្យទំនើប ប៉ុន្តែបើគ្រូពេទ្យគ្មានគុណធម៌ ឬខ្វះជំនាញវិជ្ជាជីវៈពិតប្រាកដ នុះអ្នកជំងឺនិងសាច់ញាតិ គឺជាជនរងគ្រោះ។
-មានគំនិតល្អ ប៉ុន្តែមិនយកមកអនុវត្តន៍ លទ្ធផលគឺសូន្យ។

រួមគិត រួមធ្វើ រួមទទួលខុសត្រូវ!

រមុខរាជរដ្ឋាភិបាល គឺជាអ្នកកាច់ចង្កូតនាវារបស់សង្គមជាតិមួយសំដៅឆ្ពោះទៅដល់ភាពរីកចំរើនប្រកបដោយនិរន្តភាព និងភាពសុខដុមរមនាសំរាប់យើងទាំងអស់គ្នា ហើយដើម្បីសម្រេចបាននៅគោលដៅដ៏អស្ចារ្យមួយនេះ គឺទាមទារអោយមានការចូលរួមពីប្រជាពលរដ្ឋគ្រប់ស្រទាប់វណ្ណៈ ដើម្បីរួមគ្នាលើកស្ទួយ និងជម្រុញសង្គមជាតិយើងអោយបន្តធ្វើដំណើរឆ្ពោះទៅមុខឥតឈប់ឈ។

យើងទាំងអស់គ្នាត្រូវចាំបាច់មានសិលធម៌ល្អ ចេះគោរពអោយតម្លៃគ្នាទៅវិញទៅមក ចេះជួយគ្នាក្នុងគ្រាលំបាក មិនមើលងាយគ្នាដោយសារតែធនធានវណ្ណៈ ឬបុណស័ក្ក ត្រូវគោរពច្បាប់របស់សង្គម ត្រូវបន្តខំប្រឹងរៀនសូត្រ ពង្រីកចំណេះដឹងថ្មីៗ បណ្តុះបណ្តាលខ្លួនឯង ត្រូវចេះចាប់យកជំនាញវិជ្ជាជីវៈអោយបានច្បាស់លាស់មួយ ឬច្រើន និងត្រូវបណ្តុះនូវគំនិតជាតិនិយមនៅក្នុងខ្លួនម្នាក់ៗអោយបានគ្រប់ៗគ្នា។ ត្រូវធ្វើអ្វីដែលមានប្រយោជន៍សំរាប់ខ្លួនឯង និងអ្នកដ៏ទៃ ហើយដាច់ខាតមិនត្រូវបំពាន បំផ្លេចបំផ្លាញ ធ្វើអោយខូចខាតដល់ទ្រព្យសម្បិត្តរបស់អ្នកដ៏ទៃ ឬកេងប្រវ័ញ្ញពីអ្នកដ៏ទៃឡើយ។ ទាំងអស់នេះហើយ គឺជាមូលដ្ឋានគ្រឹសក្នុងការអភិវឌ្ឍន៍សង្គមជាតិរបស់យើង។